من طرف هذي اول قصه لي بهالمنتدى الشامخ
وهالقصه كويتيه (بحت) واللي ما يفهم اي مفرده مستعد اشرحها له
واتمنى القى منكم التفاعل اللي اتمناه
اخليكم مع روايتي احترامي للحوت الحرامي
أحترامي للحوت الحرامي
تحذير
هذه القصه مليئه بالحيتان لذا يجب توخي الحذر
احترامي للحوت الحرامي
قصتي عباره عن (صرخه) بوجه كل حرامي
والحرامي اللي اعنيه هو: كل من باق من (فلوسنا) حتى لو دينار واحد!
اللي باق ال (5) ملايين بنظري نفس اللي باق 500 دينار شهريا
كلهم حراميه
وانا ابيكم تحطون ايدكم بيدي لعيون (الغاليه) وتقرون قصتي للنهايه
احترامي(للحوت) للحرامي صاحب المجد العصامي
يسرق بهمه دئوبه يكدح ويملى جيوبه
يعرق ويرجى المثوبه ما يخاف من العقوبه
(الحوت)صار في الصف الامامي
احترامي (للحوت) للحرامي
وخلوني اعرفكم على (الحرامي) المحترم
مطلق شاب في العشرين من عمره
وضعه المادي نص ونص عنده نظره ماليه في كل شي بحياته يعني دايما سوالفه
وهمه عن الفلوس مع العلم انه ما يعيش حياة صعبه مثلما قلنا نص ونص بمعنى
ادق ولا عمره ذبحه الجوع ولكن دايما الفلوس وحب امتلاكها يحاصره في صحوته
وفي غفوته وحب (الامتلاك) بشكل عام
مطلق كان بديوانيتة وجايينه 2 من ربعه
وكانوا 3 مطلق ونواف ومتعب كلهم تحت ال 21 سنه
متعب: اشدعوه شكلك طايح على كنز يوجه كلامه لمطلق
مطلق: ايه بلله طايح على كنز
نواف : شهالكنز لا يكون الاخ علي بابا
مطلق:ههههه عاد اتصدق انه علي بابا تعب على الكنز اما انا جاني الكنز لي
مكاني
نواف: لا اتصير غثيث من وينلك هالفلوس ملاحظين عليك صارلك فتره الدينار مثل
العشره عندك
مطلق: كابتن بصير خوش واحد وبقوللكم من وينلي هالكنز من دعم العماله
نواف: يعني شنو ما فهمت
مطلق: انا اقوللك انا مواطن اقوم من الصبح واداوم من الساعه 7 الصبح لي 2
الظهر فالقطاع الخاص عشان جذيه الدوله تدعمني ب 350 دينار
نواف:هههههههههههه قال اشدراك انها جذبه قال من كبرها يا ولد وين اتقوم
الصبح وانت امكبر المخده كل يوم وحياتك تبدا من بعد ال 4 العصر
متعب: نواف خله ايولي هذا بوطير وايقص علينا
مطلق: وربي انه هذا الصج انا موظف في القطاع الخاص بس ما اداوم
نواف: غريبه ما اتداوم وتاخذ منهم راتب
مطلق: لا ما اخذ من القطاع الخاص راتب اخذ من الحكومه
متعب: اها فهمت فهمت يعني لعبه
مطلق: عليك نور
نواف:طيب ومنو مستفيد من هاللعبه وضحلي اكثر لاني مصدوم حدي
مطلق: انا اقوللك الحكومه قالت للقطاع الخاص لازم اتوظفون تقريبا 25%
كويتيين
قاطعه نواف: حلو للحين كلامك حلو
مطلق: خلني اكمل ....والقطاع الخاص ما يبي الكويتيين قاموا اشسووا قالوا
سجل عندنا وما نعطيك راتب ولا اتداوم اصلا وتاخذ دعم العماله من الحكومه
يعني هم استفادوا انهم طبقوا هالشرط وانا استفدت وخذيت راتب
متعب: يا سلااااااااام عليك اشلون طحت على هالكنز اهب يا وجهك منت بهين
انزين كل من هب ودب يقدر يسويها
مطلق: لا مو لهدرجه ولكن اذا اتعرفلك (((((((احد))))))) ايكون شغلك
بالمضمون
نواف: اجل اليوم اتعشينا
مطلق: اكيييييد ما يبيلها حجي طبوا وتخيروا تبون نروح ميس الغانم ولا جونيه
روكيت ولا
قاطعه نواف:هههههههههه قال متى دشيت القصر قال امس العصر من عقب المطعم
الهندي صرنا ندش ميس الغانم ههههههه
متعب:ههههههههه الله يعز الحكومه
مطلق: اللهم امين
نواف: ما يمدح السوق الا من ربح فيه
مطلق : شتقصد
نواف: اقصد انه دام فلوسك مو تعبان فيها قوم خلنروح السينما على حسابك
متعب: والنفيش عليك
مطلق: اوكيه لاااااااا وvip
يرن تلفون نواف(انا ابغى حبنا راااقي يوديــ
نواف: عن اذنكم شباب شوي وجاي
...طلع نواف يتكلم بالتلفون
نواف:يا هلا ومرحبا بنور عيني أنا
البرنسيسه:هلا فيك عمري وينك
نواف: انا عند الشباب والحين بنطلع بندش سينما
البرنسيسه بحزن: يووووه بتروح السينما وبتتمشى عاد كنت ابي اكلمك
نواف: يا عمري والله كنت متكدر وجتني عزيمه ع السينما وقلت والله ما اطوفها
ولا رديت اكلمج
البرنسيسه: اوكي..استانس حبي ولا رديت دق علي ما راح انام بنطرك
نواف: ويلوموني بحبج...(يصارخ) احــــــــــــــبج عسى ربي ما يحرمني منج
البرنسيسه:ههههه مجنون والله مجنون
نواف: مجنون فيج
البرنسيسه: ههههههه
نواف: فديت هالضحكه أنا يبا اشرايج بللي بيهون خللي عزيمتهم لهم وفلمهم لهم
الحين بعوِِد بيتنا وبدق عليج من تلفون البيت
البرنسيسه: لا لا روح واستانس وناستك من وناستي والله مو زعلانه روح مع
ربعك
بهالوقت
بالديوانيه
مطلق: هذا علامه طووول
متعب: ههههههههه
مطلق: وليه تضحك ان شا الله قطيت نكته
متعب: لا مو نكته بس انت ما دريت منو اللي داق عليه
مطلق: وانا اشدراني رن تلفونه وطلع
متعب:ههه هذا دليل انك ما تدري وش الطبخه يبا ما سمعت الرنه؟..هذي رنة
البرنسيسه الخاصه هذي حب نواف الابدي
مطلق: اسمع..قال حب قال كل يوم مخاويله وحده هذي غير يعني
متعب:ايه غير هذي يحبها من صج
دش نواف
نواف داش والضحكه ماليه وجهه
مطلق: اشدعوه يبا اشهالضحكه اللي داق عليك عادل امام
نواف:ههه فديت عادل امام انا
متعب: اوووه الحاله صعبه
نواف:هههههه يا زينها من حاله والله
..................................................
..................................................
.............................
هذا الجزء الاول
واذا لقيت تفاعل راح اكمل الروايه
وبالجزء الجاي
راح نعرف اشصار مع الشباب بالافنيوز !!!
الافنيوز: مجمع راقي جدا بالكويت
