روايتي الأولى : فراقي أنا و أعز ناسي

بالبداية بعرفكم على الشخصيات المهمه و باقي الاشخاص بيظهرون لنا بالاجزاء القادمة

نبدا بالعائلة الاولى:

ام نواف و ابو نواف :

نواف : هو اكبر واحد فيهم , حنون مره , فيه خجل شوي عمره: 18 اخر سنة له بالثانويه

عنود و يارا: توأم بس احيانا تقول غير كذا لان شخصيتهم غير عن بعض عنود عربجيه شوي اما يارا نظامية بس نفس التفكير عمرهم: 16 اولى ثانوي

مشعل: اخر العنقود و بتعرفون شخصيته اذا قريتوا ان شاء الله و عمره : 7 سنوات


خلصنا العائلة الاولى و نروح للعائلة الثانية بعد ما نقابلهم بس انتظرونا:

تبدا القصة بام نواف: عنوود ياراا يلا تجهزوا ترانا شوي و نروح عند خالتكم ما خلصتوا لسى ؟

عنود: ماما دقيقه بنتك المصون يارا سنة بالحمام

بهاللحظه طلعت يارا: ايه ايه انا اللي اطول صح يلا بس ادخلي خلصينا

عنود: روحي بس البسي ولا ماراح تخلصين الى بكرا بعد العشا

يارا: ايه بخلص بكرا وش دراااك

قاطعتهم ام نواف: يلا ترا اذا م خلصتوا بروح عنكم و ما فيه روحه لحصة و مب طالعين اي مكان اليوم

يارا و عنود مع بعض: لا لا خلاص اصلن خلصنا

دخلت عنود للحمام و راحت يارا تلبس

عند ام نواف كانت توها تبدا تلبس

دخل نواف للبيت شاف مشعل يلعب بلايستيشن : مشعل وين امي ؟

مشعل: دورها بالبيت

نواف: لا بروح ادورها بالحوش هههههههههه

مشعل:............... << مب رايق له

راح نواف تركه وراح لقى عنود و يارا قاعدين بالصالة لابسين و يسولفون: ماشاء الله وين رايحين ؟

عنود: عند حصه

نواف سكت شوي بعدين قال: اهاا و امي بتروح معكم

عنود: ايه كلنا بنروح

نواف: حتى انا

عنود: مدري عنك اسال نفسك

يارا: هههههههههههههههههههههه

نواف: اووص ما يضحك طيب خالاتي بعد بيروحون ولا بس امي و خالتي بيكونون موجودين ؟

عنود: لا بس حنا و خالتي !

طلعت ام نواف: هلا نواف بتجي معنا

نواف: امم لالا منب جاي

ام نواف: طيب بس عندك شي عشان بتوصلنا

نواف بابتسامه: من عيوني بس يلا جاهزين عشان بطلع مع اخوياي بعد شوي

ام نواف جاهزين يلا عنود ويارا اركبوا

حرك نواف السياره بعد ما ركبوا و جا معهم مشعل

بعد ما وصلوا: يارا دقي خليهم يفتحون

رفعت يارا جوالها: الوو .. يلا يالدبه حنا قدام الباب افتحي لنا .. بااي

شوي و انفتح الباب اللي طلت منه حصة تأشرهم

عنود: يلا فتحت

التفت نواف يبغا يشوف مين فتح بعدين ابتسم بخجل و لف وجهه .. لاحظت عليه يارا بعدين نزلت معهم

حصة: هلا والله خالتي تو ما نور البيت بوجودكم حياك تفضلي

ام نواف: يا هلا فيك منور فيك والله

بعدين عنود حضنت حصة: اهليييين

حصة و هي تحضنها: هلا والله والله اشتقت لكم

بعدين حضنت يارا و دخلوا داخل و سلموا على بعض و قعدوا

ام احمد: حيا الله من جانا

ام نواف: الله يحييك ..

بعد نص ساعة

حصة: يلا بنات امشوا نشوف فلم عندي فلم كل احد يمدحه مرره خطير

عنود: ايه ايه قدااااااااام

يارا: قداميييين

قاموا للملحق و حطوا السيدي بالـ DVD و قعدوا يشوفون فلم رومانسي

طيب نخليهم يكملون فلمهم و اعرفكم على عائلة ام احمد و ابو احمد:

ريم: ريم مخطوبة من ولد عمها و زواجها قريب و مو سايعتها الفرحة عمرها: 24 سنة

حصة: صديقة عنود و يارا الروح بالروح عمرها: 16 باولى ثانوي بس غير مدرستهم

احمد: زي اي طفل و دايم يتهاوشون هو و مشعل عمره: 8 سنوات

بعد ما خلص الفلم .. عنود: ما عجبني احسه بايخ

يارا: لا بالعكس مره حلو

حصة: مالت عليك عنود شوفي يارا المفروض تصير توأمي انا مو انتوا غير بعض بكل شي

عنود كانت سرحانه و تفكر يوم كانت اسعد انسانة مع اللي تحب كانوا ما يلعبون الا مع بعض .. نرجع ورا شوي:

راشد و وجهه احمر: عنود اقري هذي انا الورقة

عنود باستغراب: ايش هذا

راشد: اقري

عنود فتحت الورقه: عنود انا كنت ابغا اقولك شي بس ما اقدر فاتمنى تقرين اللي ابغا اقوله لك .. عنود انا احبك اكثر وحدة بالدنيا و بتزوجك اذا كبرت و اوعدك ما اتركك ابد لحالك اذا احتجتيني

عنود بابتسامة خجل و هي تشوفه شافته يشوفها و باين عليه خايف من ردها ووجهه احححححمر من الحيا و هي بعد كانت تضحك من جوا و مره مستحيه بعدين ابتسمت بخجل واااضح قربت منه بعدين حبت خده و ركضت عنه

باليوم الثاني انصدمت بخبر حادث صار له هو و اهله ركضوا للمستشفى طيران وعنود تقول بقلبها و هي تصيح: راشد انتظرني راشد لا تروح لا تروووووح

اول ما وصلوا للمستشفى نزلوا كلهم و اولهم عنود كانت تركض و هي تصيح و كلهم خايفين و يوم رقوا للدور اللي هم فيه: قالهم الدكتور ان وحدة من الحريم اللي هي خالتهم انكسرت يدها و تعرضت لجروح و الثانية تعرضت لجروح بليغه و تحتاج لدم

السائق بحالة حرجة نسبة حياته 40% اما الولد اللي كان راكب قدام فالعمر بيد الله

عنود: لااااااااا ليش يا راشد ليه وعدتني انك تكون معي كل ما احتجتك وعدتني ما تبعد عني وعدتني تتزوجني اذا كبرت ليييه لييه رحت ليش ما اخذتني معك او بقيت معي

و الكل كان يبكي عليهم اكثرهم عنود و يارا كانت تصيح و تهدي عنود اللي صياحها يقطع القلب

حصة: عنود عنوود ويينك عنووود اكلمك هيي

عنود كانت عيونها تلمع كان فيها دمعه بتطيح و صوتها انبح: نعم

حصة شافت ان عنود فيها الصيحة: عنود ايش فيك اذا تحتاجين اي شي قولي لي انا اقدر اساعدك وما راح اتركك ابد اوعدك بس ايش فيك

عنود قامت بسرعه ما تبغا تسمع نفس الكلمات و هي تصارخ: لااا لااااا خلاااااااااااص

حصة راحت تلحقها بس مسكتها يارا بحزن: خليها لحالها حصة

حصة مو فاهمه شي وش فيكم ؟؟

يارا بنفسها: اكيد الفلم ذكرها براشد القصة كانت تشبهها صارت تكره الحب بعده

يارا: ما ادري بس انا اختها واعرفها و اكيد تبغانا نخليها براحتها الحين شوي

حصة بعدم اقتناع: يارا انتي تعرفين ايش فيها

يارا: لا ما اعرف

حصة: اوكي روحي شوفي عنود ايش فيها و هديها انا بنتظر هناا

يارا: اوكي ..و قامت لاختها اللي كانت قاعده بالحوش معزولة و تصيح

يارا: عنود تفكرين براشد ؟

عنود سكتت بعدين قامت مسحت دموعها: بغسل وجهي و انتي روحي لحصه .. راحت عنود تغسل و شوي و طلعت لهم بابتسامه مصطنعه: معليش خربت القعده .. معليش حصة صرخت عليك انا اسفه

حصه: لالا ما عليك

قاطعهم صوت الجوال: الوو هلا ماما .. بنروح الحين ؟؟ طيب طيب جينا

يارا: بنروح ..

حصة: لا حسااافه

عنود: مره استانسنا معك حصه يا حبيلك

حصة: وش دعوه انا اللي استانست مرره شكرا

حضنوها عنود و يارا و راحت معهم حصة لجوا عشان ياخذون عباياتهم

و بعد التوديعات ركبوا السياره مع نواف

ام نواف: السلام عليكم

نواف: هلا و عليكم السلام .. هاا عساكم استانستو ؟

ام نواف : ايه والله الحمدلله

نواف: و انتوا عنود و يارا

يارا: ايه الحمدلله

نواف: زين

يارا: انت وش سويت استانست

نواف: ايه والله مره استانست

يارا:اهاا كويس

نواف: عنود و فيك ما نسمع لك صوت غير العاده

التفتت يارا عليها لقتها نايمه: عنود نامت


فكرت يارا شوي بعدين قالت فرصه ..




يلا استنى ارائكم بالقصة

و ايش تتوقعون يارا تفكر

و ايش سر نواف

عنود تذكرت راشد بعد كل هالسنين .. فيه احد يقدر ينسيها اياه ولا بتضل كذا ..؟


انتظروني بالبارت القادم